Sarriako parketxea eta Zaldinbortxo putzua (Araba)

Gunearen izena: Sarria parketxea.
Helbidea: Sarria herritik aurrera joanda.
Kokapena: Sarriako parketxean.
Estalia edo irekia: irekia.
Sarrera: doan.
Iturria: bai.
Komunak: bai.
Irisgarritasuna: oinez, bizikletaz…
Gurpildun aulkientzako irisgarria: bai.
Aparkalekua: bai, doan.

Sarria Murgia herritik oso gertu dago, Gorbeiako Parke Naturalaren bidean; izan ere, parkerako sarrera nagusietako bat da. Natur gune garrantzitsua izanik askotariko ibilbideak eta planak egin daitezke inguruan, eta Sarriako parketxean informazio ugari aurkituko dugu. Ordutegia da asteartetik igandera 10:00etatik 14:30era eta 16:00etatik 19:00etara.

Parketxearen inguruan doako aparkaleku zabala, itzalpean dauden mahaiak, komunak eta neska-mutikoentzako jolas-ekipamenduak daude. Eguraldi onarekin jende ugari joaten da egun pasa. Autokarabanak ere ohikoak dira bertan.

Bainua Zaldinbortxo putzuan

Bainutokia ere bada Sarrian. Hain zuzen ere, parketxetik abiatzen den bidea hartuta egingo dugu aurrera Gorbeiako Parke Naturalean. Bide zabala da eta egokia gurpildun aulkiekin joateko. Bayas errekaren kontra joango gara eta 800 bat metro egindakoan iritsiko gara Zaldibartxo putzura. Jende ugari bainatzen da bertan. Ohartarazi behar da, hori bai, ez dagoela inolako zaintzarik edo sorospen zerbitzurik.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude