Espazioaren deskribapena

Erdigunean kokatuta, portuaren ondoan, Eako hondartza ondo ekipatuta dago. Txikia da, familiarra, eta udan sorosleak, dutxak, komunak, aldagelak, paperontziak, bizikleta gordailua, iturriak ditu. Hondartzan umeentzako jolasgunea ere badago. Haren atzeko aldean, berriz, pilotalekua dago eta eskuineko aldean kiroldegia.

 

Gainera, paseatzeko guneak ere badaude. Tabernak eta jatetxeak ere ugari dira inguruan.

 

Bestelako zerbitzuak

Ispaster eta Ibarrangelu artean kokatua Ea itsasadarrean dago kokaturik, portu natural baten ondoan. Izen bereko ibaia herriburuan itsasoratzen da, udalerria bitan bananduz. Alde bi horiek lau zubik lotzen dituzte, horietatik zaharrena, “erromatarra” deritzona, armarrian agertzen dela.

 

2016an Eak 850 biztanle finko zituen. Udan kopuru hori hirukoiztera irits daiteke.

 

Ibilbide eta mendi-ibilaldi ugari egin daitezke bertan eta zerbitzu turistikoak ere egokiak dira. Hondartza inguruan bagaude Talako Ama baselizarainoko ibilbidea egin daiteke. Eako talaiara igo eta handik begiratze atseginak izango ditugu.